Ang tubig maoy labing unang panginahanglanon sa tawo. Ang mga community volunteers sa DSWD Kalahi-CIDSS sa Barangay Tagmanocan sa Lungsod sa Lazi, nakita nga mao kini ang numero unong panginahanglanon sa ilang barangay.

Mao nga ilang gipanghingusgan nga makuha nila ang simpatiya sa uban barangay nga mahatagan sila sa pundo atol sa Municipal Inter-Barangay Forum, usa sa proseso sa DSWD Kalahi-CIDSS diin gihatagan ug higayon ang mga ordinaryong tawo nga mo desisyon sa pag hatag og gibug-aton kung unsa nga mga sub-projects ang angayan nga mapunduhan aron ma implementar ang gi-tanyag nga proyekto sa matag barangay.

Ang water system mikabat sa Php 779,994.00 nga gipangunayan ug trabaho sa mga community volunteers sa maong barangay.

Moabot sa 194 ka mga balay ang direktang maka benepisyo sa bag-ong human nga water system.

Lisod ug layo kaayu ang kuha-anan sa ilang tubig, matud pa ni Elpidia Villaruz, 82 anyos, nga nihit gyud ang tubig kay layo kaayu ug gamay ra ang ilang madala kada sag-ob “Sauna gamay ra gyud ang among madala kay lisod ang dan nga agian paingon sa tinubdan mao magka usik-usik gyud inig bitbit”, dugang ni Manang Elpidia.

Atol sa inagurasyon sa Level 2 Solar Powered Water System, malipayon ug gihinangop kini sa mga residente nga tungod sa ilang pagkugi naa na gyud sa ilang tugkaran ang tubig og dili na sila mag nihit pa sa gamit niini. ###

(23) Views