Liboan ka mga lumulupyo sa bukirang bahin sa syudad sa Sugbo ang nahatagan og family food packs. Kini agig tubag sa Department of Social Welfare and Development (DSWD) nga mahatagan og ayuda ang mga naapektahan sa El Niño.

Sagad sa mga apektado mao ang mga mag-uuma nga nagsalig lamang sa halin sa ilang mga produktong utanon ug buwak, nga itumod ngadto sa merkado.

Tungod sa kataas nga huwaw daghan ang apektado. Nag nihit ang tubig, nagkasakit ang mga hayop ingon man nangalaws ang tanom sa bukid.

Si Estella Raganas, 82 anyos usa ka mag-uuma, pasensyosong nilinya ug mapasalamaton nga nidawat sa hinabang.

Usa lamang si Estella sa mga mag-uuma nga naapektuhan pag ayu sa huwaw ug ang hinabang nga dawat niya igo nang makatabang nga maka sapal sa pipila ka adlaw nila nga konsumo.

Mokabat sa 25,350 ka pamilya ang nahatagan ug niabot 25,350 ka family food packs ang na release ug gipang apud-apud sa 16 ka mga barangay sa bukirang bahin sa syudad sa Sugbo.

Ang distribusyon nga gipanguluhan sa Disaster Reduction Response Unit sa DSWD Field Office VII dungan nga gihimo didto sa amihanang bahin ug sa habagatang bahin nga mga barangay sa bukirang bahin sa sugbo.

Andam na usab ang 8,638 ka mga family food packs sa Munisipyo sa Tabogon ug ang 1,600 ka family food packs sa Tudela, Camotes samtang ang ubang mga munisipyo nga naapektahan usab sa huwaw nagpadangat na usab sa ilang family food packs nga ma apud-apud sa mga apektadong pamilya sa ilang dapit. ###

(8) Views